அரசியல் என்றாலே சாக்கடை, குப்பை, ரவுடிசம் போன்ற எண்ணமே மக்களிடம் இருக்கிறது. இதனால் அவர்கள் அரசியலை விட்டு ஒதுங்கி நிற்கிறார்கள். உண்மையில், அவர்கள் அரசியலை விட்டு ஒதுங்கி நிற்பதால் தான் அரசியல் சாக்கடையாகவும் குப்பையாகவும் ரவுடிசமாகவும் மாறி நிற்கிறது.

மக்கள் அரசியலை விட்டு ஒதுங்கி நிற்பதால், நமக்கு எந்த பிரச்சனையும் இல்லை என்றும் நினைக்கிறார்கள். ஆனால், மக்கள் இப்படி ஒதுங்கி நிற்பது தான், அவர்களின் அத்தனைப் பிரச்சனைகளுக்குமான அடிப்படைக் காரணமாகும். 

இந்த நிலைமை மாற வேண்டுமென்றால், மக்களுக்கு அரசியலைப் பற்றிய விழிப்புணர்வு ஏற்பட வேண்டும். இப்படி விழிப்புணர்வு ஏற்பட்டுவிட்டால், தகுதியான அரசியல்வாதிகள் உருவாவார்கள். மக்களும் தகுதியான அரசியல்வாதிகளை தேர்ந்தெடுப்பார்கள்.

இதற்காக உருவாக்கப்பட்டது தான் ‘அரசியல் அறிவு' இயக்கம்!